ਲਾਇਨਜ਼ ਕਲੱਬ ਖਰੜ ਵਲੋ ਇਕ ਨਵਾਂ ਉਪਰਾਲਾ ਕਰਦੇ ਹੋਏ ਅੱਜ ਪੁਲਿਸ ਸਟੇਸ਼ਨ ਖਰੜ ਦੇ ਨਜਦੀਕ ਪ੍ਰਭੂ ਲਾਲ ਮੈਮੋਰੀਅਲ ਲਾਇਨਜ਼ ਚੈਰੀਟੇਬਲ ਕਲਿਨਿਕਲ ਲੈਬੋਰਟਰੀ(Prabhu Lal Memorial Loins Charitable Clinical Laboratory) ਦਾ ਉਦਘਾਟਨ ਸ਼੍ਰੀ ਲਲਿਤ ਬਾਂਸਲ ਐਮ ਡੀ ਸਰਸਵਤੀ ਗਰੁੱਪ ਆਫ ਕੰਪਨੀ ਤੇ ਲਾਇਨ ਲਲਿਤ ਬਹਿਲ ਡਿਸਟ੍ਰਿਕਟ ਗਵਰਨਰ ਡਿਸਟ੍ਰਿਕਟ 321 ਐਫ ਦੇ ਕਰਕਮਲਾਂ ਰਾਹੀਂ ਕੀਤਾ ਗਿਆ।
ਇਸ ਮੋਕੇ ਬੋਲਦਿਆਂ ਪ੍ਰੋਜੈਕਟ ਮੈਨੇਜਰ ਪੀ ਡੀ ਜੀ ਲਾਇਨ ਪ੍ਰੀਤ ਕੰਵਲ ਸਿੰਘ ਨੇ ਦੱਸਿਆ ਕਿ ਪ੍ਰਧਾਨ ਨਰਿੰਦਰ ਪਾਲ ਸਿੰਘ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ਲਈ ਕਲੱਬ ਦੇ ਸਭ ਮੈਂਬਰਾਂ ਨੇ ਸਹਿਯੋਗ ਦੇ ਨਾਲ ਨਾਲ ਸ਼ਹਿਰ ਨਿਵਾਸੀਆਂ ਨੇ ਵੀ ਬਹੁਤ ਸਹਿਯੋਗ ਕੀਤਾ ਤੇ ਇਸ ਲੈਬੋਰਟਰੀ ਵਿਚ ਹਰ ਪ੍ਰਕਾਰ ਦੇ ਕਲੀਨੀਕਲ ਟੈਸਟ ਚੈਰੀਟੇਬਲ ਰੇਟਾਂ ਤੇ ਮਾਰਕੀਟ ਨਾਲੋਂ ਅੱਧੇ ਜਾ ਇਸ ਤੋਂ ਵੀ ਘੱਟ ਰੇਟਾਂ ਤੇ ਨਵੀਨਤਮ ਮਸ਼ੀਨਾਂ ਰਾਹੀਂ ਕੀਤੇ ਜਾਣਗੇ।
ਆਉਣ ਵਾਲੇ ਸਮੇਂ ਵਿੱਚ ਲੈਬੋਰਟਰੀ ਵਿਚ ਈ ਸੀ ਜੀ ਤੇ ਐਕਸ ਰੇ ਦੀ ਸਹੂਲਤ ਵੀ ਦਿੱਤੀ ਜਾਵੇਗੀ। ਓਹਨਾ ਦੱਸਿਆ ਕਿ ਇਥੇ ਵਾਜਿਬ ਕਿਰਾਏ ਤੇ ਆਕਸੀਜ਼ਨ ਕੰਸੈਂਟ੍ਰੇਟਰ ਵੀ ਮਜੂਦ ਰਹੇਗਾ ਜੌ ਲੋੜਵੰਦਾ ਨੂੰ ਇਕ ਵੱਡੀ ਸਹੂਲਤ ਦਏਗਾ ਜੋਕਿ ਲਾਇਨਜ਼ ਕਲੱਬਸ ਇੰਟਰਨੈਸ਼ਨਲ ਫਾਊਂਡੇਸ਼ਨ ਵਲੋਂ ਮੁੱਹਈਆ ਕਰਵਾ ਗਿਆ ਹੈ। ਕਲੱਬ ਵਲੋਂ ਸਮੇਂ ਸਮੇਂ ਤੇ ਮੁਫ਼ਤ ਮੈਡੀਕਲ ਕੈਂਪ ਵੀ ਇਥੇ ਲਗਾਏ ਜਾਇਆ ਕਰਨਗੇ।
ਓਹਨਾ ਘਾਟ ਤਲਾਬ ਕੌਲਾਂ ਵਾਲਾ ਪ੍ਰਭੂ ਲਾਲ ਵਾਲਾ ਸੋਸਾਇਟੀ ਦੇ ਸਭ ਤੋਂ ਵੱਡੇ ਸਹਿਯੋਗ ਦਾ ਧੰਨਵਾਦ ਕੀਤਾ ਜਿਹਨਾਂ ਦੇ ਸਹਿਯੋਗ ਤੋਂ ਬਗੈਰ ਇਹ ਪ੍ਰੋਜੈਕਟ ਸੰਭਵ ਨਹੀਂ ਸੀ ਹੈ ਸਕਦਾ।ਉਦਘਾਟਨੀ ਸਮਾਰੋਹ ਮੌਕੇ ਬੋਲਦਿਆਂ ਸ੍ਰੀ ਲਲਿਤ ਬਾਂਸਲ ਨੇ ਕਿਹਾ ਕਿ ਕਲੱਬ ਸਮੇਂ ਸਮੇਂ ਤੇ ਲੋਕ ਸੇਵਾ ਦੇ ਕੰਮ ਕਰਦਾ ਆ ਰਿਹਾ ਹੈ ਪਰ ਚੈਰੀਟੇਬਲ ਲੈਬੋਰਟਰੀ ਦੀ ਸਹੂਲਤ ਦੇ ਕੇ ਗਰੀਬ ਵਰਗ ਲਈ ਬਹੁਤ ਵੱਡਾ ਉਪਰਾਲਾ ਕੀਤਾ ਹੈ ਤੇ ਉਹ ਹਰ ਸਮੇਂ ਇਸ ਪ੍ਰੋਜੈਕਟ ਵਿਚ ਕਲੱਬ ਨੂੰ ਸਹਿਯੋਗ ਦਿੰਦੇ ਰਹਿਣਗੇ।
ਡਿਸਟ੍ਰਿਕਟ ਗਵਰਨਰ ਲਾਇਨ ਲਲਿਤ ਬਹਿਲ ਨੇ ਕਲੱਬ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਲਾਇਨਜ਼ ਕਲੱਬ ਖਰੜ ਨੇ ਆਪਣੇ 24ਵੇਂ ਸਾਲ ਵਿਚ ਆਪਣੇ ਇਸ ਸਥਾਈ ਪ੍ਰੋਜੈਕਟ ਨਾਲ ਡਿਸਟ੍ਰਿਕਟ ਦੇ ਕੁਝ ਚੁਣਿੰਦਾ ਕਲੱਬਾਂ ਦੀ ਕਤਾਰ ਵਿਚ ਆ ਗਿਆ ਹੈ ਜਿਹਨਾਂ ਦੇ ਆਪਣੇ ਖੁਦ ਦੇ ਵੱਡੇ ਤੇ ਸਥਾਈ ਪ੍ਰੋਜੈਕਟ ਚਲਦੇ ਹਨ। ਓਹਨਾ ਕਲੱਬ ਨੂੰ ਹਰ ਸਹਿਯੋਗ ਦੇਣ ਦਾ ਵਾਧਾ ਕੀਤਾ।
ਇਸ ਮੌਕੇ ਡਿਸਟ੍ਰਿਕਟ ਮੈਂਬਰਸ਼ਿਪ ਟੀਮ ਕੋਆਰਡੀਨੇਟਰ ਲਾਇਨ ਸ਼ਾਮ ਗੌਤਮ, ਡਿਸਟ੍ਰਿਕਟ ਲੀਡਰਸ਼ਿਪ ਟੀਮ ਕੋਆਰਡੀਨੇਟਰ ਲਾਇਨ ਸਤਵਿੰਦਰ ਕੌਰ, ਜ਼ੋਨ ਚੇਅਰਮੈਨ ਲਾਇਨ ਸੁਖਬੀਰ ਰਾਣਾ ਤੋਂ ਇਲਾਵਾ ਕਲੱਬ ਪ੍ਰਧਾਨ ਲਾਇਨ ਨਰਿੰਦਰਪਾਲ ਸਿੰਘ, ਸੈਕਟਰੀ ਲਾਇਨ ਅਨਿਲ ਗੁਪਤਾ, ਖਜਾਨਚੀ ਲਾਇਨ ਰਾਜੀਵ ਗਰਗ, ਪ੍ਰੋਜੈਕਟ ਮੈਨੇਜਰ ਲਾਇਨ ਦੇਵਿੰਦਰ ਗੁਪਤਾ, ਪ੍ਰੋਜੈਕਟ ਮੈਨੇਜਰ ਡਾਕਟਰ ਯੋਗੇਸ਼ ਧਵਨ, ਲਾਇਨ ਰਾਕੇਸ਼ ਗੁਪਤਾ, ਲਾਇਨ ਰਾਜੇਸ਼ ਗੁਪਤਾ, ਲਾਇਨ ਸੁਖਵਿੰਦਰ ਸਿੰਘ ਗੋਲਡੀ,ਲਾਇਨ ਸਾਗਰ ਵਸ਼ਿਸ਼ਟ, ਲਾਇਨ ਰਮਨ ਸੂਦ ਤੇ ਖਰੜ ਦੇ ਹੋਰ ਲਾਇਨਜ਼ ਕਲੱਬਾਂ ਦੇ ਪ੍ਰਧਾਨ, ਮੈਂਬਰ ਸਮੇਤ ਟੈਕਨੀਸ਼ੀਅਨ ਮਨਪ੍ਰੀਤ ਕੌਰ, ਨਰਸਿੰਗ ਸਟਾਫ਼ ਅਸ਼ੀਮਾ ਲਾਲ ਤੇ ਸ਼ਹਿਰ ਦੇ ਪਤਵੰਤੇ ਸੱਜਣ ਵੀ ਹਾਜਰ ਹੋਏ।