ਜ਼ੀ ਪੰਜਾਬੀ ਇਹ ਵੀਕਐਂਡ ਖੁਸ਼ੀਆਂ ਨਾਲ ਭਰ ਦੇਵੇਗਾ। ਇਸ ਵੀਕਐਂਡ ਚੈਟ ਸ਼ੋਅ "ਦਿਲ ਦੀਆਂ ਗੱਲਾਂ ਸੀਜ਼ਨ-2" ਆਪਣੇ ਦਰਸ਼ਕਾਂ ਲਈ ਮੰਚ ਉੱਤੇ ਪਿਆਰੀ ਜੋੜੀ ਪ੍ਰਿੰਸ ਨਰੂਲਾ, ਯੁਵਿਕਾ ਚੌਧਰੀ ਇਸ ਐਤਵਾਰ ਪੰਜਾਬੀ ਸਿਨੇਮਾ ਦੇ ਮਸ਼ਹੂਰ ਡਾਇਰੈਕਟਰ ਸਮੀਪ ਕੰਗ, ਅੰਬਰਦੀਪ ਸਿੰਘ ਅਤੇ ਸਿਮਰਜੀਤ ਸਿੰਘ ਨੂੰ ਸੱਦਾ ਦੇਣ ਜਾ ਰਿਹਾ ਹੈ।ਇਸ ਸ਼ਨੀਵਾਰ ਸਾਰਿਆਂ ਦੀ ਮਨਪਸੰਦ ਜੋੜੀ ਪ੍ਰਿੰਸ ਨਰੂਲਾ ਤੇ ਯੁਵਿਕਾ ਚੌਧਰੀ ਜਿਹਨਾਂ ਨੇ ਅਲੱਗ-ਅਲੱਗ ਫ਼ਿਲਮਾਂ ਅਤੇ ਗੀਤਾਂ ਵਿਚ ਕੰਮ ਕੀਤਾ ਹੈ, ਦਿਲ ਦੀਆਂ ਗੱਲਾਂ ਸੀਜ਼ਨ-2 ਵਿਸ਼ੇਸ਼ ਮੰਚ ਉੱਤੇ ਆਉਣਗੇ।
ਇਹਨਾਂ ਦੀ ਪਿਆਰੀ ਜੋੜੀ ਨੂੰ ਤਾਂ ਸਭ ਜਾਣਦੇ ਹਨ, ਪਰ ਕੁਝ ਤੱਥ ਜਿਹਨਾਂ ਤੋਂ ਸਾਰੇ ਅਣਜਾਣ ਹਨ ਇਸ ਤੋਂ ਬਿਨਾਂ ਇਹ ਦੋਨੋਂ ਨਾਮ ਕਮਾਉਣ ਦੀ ਭਾਵੁਕ ਕਹਾਣੀ ਆਪਣੇ ਦਰਸ਼ਕਾਂ ਅੱਗੇ ਪੇਸ਼ ਕਰਨਗੇ। ਇਹ ਇੱਕ ਮਨੋਰੰਜਕ ਸ਼ਾਮ ਹੋਵੇਗੀ ਜਿੱਥੇ ਇਹ ਦੋਨੋਂ ਮਹਿਮਾਨ ਕਲਾਕਾਰ ਸੋਨਮ ਬਾਜਵਾ ਨਾਲ ਮੌਜ-ਮਸਤੀ ਕਰਨਗੇ।ਇਹ ਐਤਵਾਰ ਹੋਰ ਵੀ ਖਾਸ ਹੋਵੇਗਾ, ਜਦੋਂ ਪੰਜਾਬੀ ਸਿਨੇਮਾ ਦੇ ਮਸ਼ਹੂਰ ਡਾਇਰੈਕਟਰ ਇੱਕੋਂ ਮੰਚ ਉੱਤੇ ਇਕੱਠੇ ਨਜ਼ਰ ਆਉਣਗੇ। ਦਿਲ ਦੀਆਂ ਗੱਲਾਂ ਦੇ ਮੰਚ ਉੱਤੇ ਸਮੀਪ ਕੰਗ, ਅੰਬਰਦੀਪ ਸਿੰਘ ਅਤੇ ਸਿਮਰਜੀਤ ਸਿੰਘ ਜਿਹਨਾਂ ਨੇ ਬਹੁਤ ਸਾਰੀਆਂ ਫ਼ਿਲਮਾਂ ਡਾਇਰੈਕਟ ਕੀਤੀਆਂ ਹਨ ਅਤੇ ਆਪਣੇ ਲੰਬੇ ਤੇ ਸਫਲ ਕੈਰੀਅਰ ਬਾਰੇ ਦੱਸਣਗੇ।
ਇਹ ਤਿੰਨੋਂ ਮਹਿਮਾਨ ਕਲਾਕਾਰ ਬੜੇ ਹੀ ਖੂਬਸੂਰਤ ਅੰਦਾਜ਼ ਵਿੱਚ ਪੇਸ਼ ਹੋਣਗੇ। ਇਹਨਾਂ ਨੇ ਆਪਣੀਆਂ ਫ਼ਿਲਮੀ ਕਹਾਣੀਆਂ ਲਿਖ ਸਭ ਦਾ ਦਿਲ ਜਿੱਤਿਆ ਹੈ ਅਤੇ ਇਸ ਮੰਚ ਉੱਤੇ ਅਸੀਂ ਉਹਨਾਂ ਦੀ ਜੀਵਨ ਕਹਾਣੀ ਅਤੇ ਯਤਨਾਂ 'ਤੇ ਇੱਕ ਝਾਤ ਪਾਵਾਂਗੇ। ਜੇਕਰ ਤੁਸੀਂ ਇਸ ਸ਼ਾਨਦਾਰ ਵੀਕਐਂਡ ਨੂੰ ਮਿਸ ਨਹੀਂ ਕਰਨਾ ਚਾਹੁੰਦੇ ਤਾਂ ਸ਼ਨੀਵਾਰ ਅਤੇ ਐਤਵਾਰ ਨੂੰ ਸ਼ਾਮ 7 ਵਜੇ ਜ਼ੀ ਪੰਜਾਬੀ 'ਤੇ "ਦਿਲ ਦੀਆਂ ਗੱਲਾਂ ਵਿਦ ਸੋਨਮ ਬਾਜਵਾ ਸੀਜ਼ਨ 2" ਦੇਖੋ।