ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (ਐਲਪੀਯੂ) ਦੀ ਇੱਕ ਮਹਿਲਾ ਮੁੱਕੇਬਾਜ਼, ਪਰਵੀਨ (63 ਕਿਲੋ) ਨੇ ਤੁਰਕੀ ਦੇ ਇਸਤਾਂਬੁਲ ਵਿੱਚ ਚੱਲ ਰਹੀ ਅੰਤਰਰਾਸ਼ਟਰੀ ਮੁੱਕੇਬਾਜ਼ੀ ਸੰਘ (ਆਈ.ਬੀ.ਏ.) ਮਹਿਲਾ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ-2022 ਵਿੱਚ ਚੋਟੀ ਦੇ ਮੈਡਲ ਨੂੰ ਯਕੀਨੀ ਬਣਾ ਲਿਆ ਹੈ। ਸੈਮੀਫਾਈਨਲ ਵਿੱਚ ਪਹੁੰਚ ਕੇ ਆਪਣਾ ਪਹਿਲਾ ਵਿਸ਼ਵ ਚੈਂਪੀਅਨਸ਼ਿਪ ਦਾ ਮੈਡਲ ਪੱਕਾ ਕਰਦੇ ਹੋਏ, ਪਰਵੀਨ ਨੇ ਤਾਜਿਕਸਤਾਨ ਦੀ ਸ਼ੋਇਰਾ ਜ਼ੁਲਕਾਇਨਾਰੋਵਾ ਨੂੰ ਹਰਾਇਆ। ਹੁਣ ਉਹ ਸੈਮੀਫਾਈਨਲ 'ਚ ਆਇਰਲੈਂਡ ਦੀ ਐਮੀ ਬ੍ਰਾਡਹਰਸਟ ਨਾਲ ਭਿੜੇਗੀ।ਪਰਵੀਨ ਸ਼ੁਰੂ ਵਿੱਚ ਝਿਜਕਦੀ ਜਾਪਦੀ ਸੀ ਪਰ ਜਿਵੇਂ-ਜਿਵੇਂ ਸਮਾਂ ਵਧਦਾ ਗਿਆ, ਉਸਨੇ ਮਹਿਲਾ ਡਬਲਯੂਬੀਸੀ 2022 ਵਿੱਚ ਇੱਕ ਯਾਦਗਾਰ ਜਿੱਤ ਦਰਜ ਕਰਨ ਲਈ ਆਪਣੇ ਤਾਜਾਕ ਵਿਰੋਧੀ 'ਤੇ ਹਮਲਾ ਕੀਤਾ। ਚੈਂਪੀਅਨਸ਼ਿਪ 20 ਮਈ, 2022 ਨੂੰ ਸਮਾਪਤ ਹੋਵੇਗੀ, ਜਿੱਥੇ 73 ਦੇਸ਼ਾਂ ਦੀਆਂ ਚੋਟੀ ਦੀਆਂ 310 ਮਹਿਲਾ ਮੁੱਕੇਬਾਜ਼ਾਂ ਹਿੱਸਾ ਲੈ ਰਹੀਆਂ ਹਨ।ਕੁਆਰਟਰ-ਫਾਈਨਲ ਤੋਂ ਪਹਿਲਾਂ, ਐਲਪੀਯੂ ਦੀ ਦੋ ਮੁੱਕੇਬਾਜ਼ ਪਰਵੀਨ ਅਤੇ ਜੈਸਮੀਨ ਇਸ ਚੈਂਪੀਅਨਸ਼ਿਪ ਦੇ 12ਵੇਂ ਐਡੀਸ਼ਨ ਵਿੱਚ ਆਪਣੇ-ਆਪਣੇ ਵਿਰੋਧੀਆਂ ਦੇ ਖਿਲਾਫ ਲਗਾਤਾਰ ਜਿੱਤ ਦਰਜ ਕਰ ਰਹੀਆਂ ਸਨ। ਭਾਰਤੀ ਟੀਮ ਦੀ ਨੁਮਾਇੰਦਗੀ ਕਰਦੇ ਹੋਏ, ਇਹਨਾਂ ਦੋਵੇਂ ਐਲਪੀਯੂ ਦੀਆਂ ਮੁੱਕੇਬਾਜ਼ਾਂ ਨੇ ਦੇਸ਼ ਲਈ ਚੋਟੀ ਦੀਆਂ ਜਿੱਤਾਂ ਦੀ ਸੰਭਾਵਨਾ ਦੇ ਨਾਲ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ।
ਪਰਵੀਨ (63 ਕਿਲੋ) ਨੇ ਆਪਣੀ ਹਮਲਾਵਰ ਸਮਰੱਥਾ ਦਾ ਪ੍ਰਦਰਸ਼ਨ ਕਰਦਿਆਂ ਸਾਬਕਾ ਯੁਵਾ ਓਲੰਪਿਕ ਚੈਂਪੀਅਨ ਅਮਰੀਕਾ ਦੀ ਜਜੈਰਾ ਗੋਂਜਾਲੇਜ਼ ਨੂੰ 5-0 ਨਾਲ ਹਰਾਇਆ। ਪਰਵੀਨ ਨੇ ਪੂਰੇ ਮੁਕਾਬਲੇ ਦੌਰਾਨ ਚੁਸਤ ਖੇਡ ਖੇਡੀ ਅਤੇ ਵੇਟਿੰਗ ਗੇਮ ਖੇਡਣ ਨੂੰ ਤਰਜੀਹ ਦਿੱਤੀ। ਓਪਨਿੰਗ ਮਿਲਣ 'ਤੇ ਉਸ ਨੇ ਸਿੱਧਾ ਪੰਚ ਮਾਰਿਆ। ਜੈਸਮੀਨ (60 ਕਿਲੋ) ਨੇ ਵੀ ਆਸਟਰੇਲੀਆ ਦੀ ਐਂਜੇਲਾ ਹੈਰੀਜ਼ ਨੂੰ ਹਰਾਇਆ। ਉਸਦਾ ਬਾਊਟ ਇੰਨਾ ਭਿਆਨਕ ਸੀ ਕਿ ਰੈਫਰੀ ਨੂੰ ਪਹਿਲੇ ਦੌਰ ਵਿੱਚ ਹੀ ਮੁਕਾਬਲਾ ਰੋਕਣ ਲਈ ਮਜਬੂਰ ਹੋਣਾ ਪਿਆ। ਹਾਲਾਂਕਿ ਜੈਸਮੀਨ ਸੈਮੀਫਾਈਨਲ 'ਚ ਜਗ੍ਹਾ ਨਹੀਂ ਬਣਾ ਸਕੀ। ਜੈਸਮੀਨ 2019 ਵਿਸ਼ਵ ਚੈਂਪੀਅਨਸ਼ਿਪ ਦੀ ਕਾਂਸੀ ਮੈਡਲ ਜੇਤੂ ਰਸ਼ੀਦਾ ਐਲਿਸ ਤੋਂ 1-4 ਨਾਲ ਹਾਰਨ ਤੋਂ ਬਾਅਦ ਵਿਸ਼ਵ ਈਵੈਂਟ ਵਿੱਚ ਆਪਣੀ ਪਹਿਲੀ ਪੇਸ਼ਕਾਰੀ 'ਤੇ ਮੈਡਲ ਹਾਸਲ ਕਰਨ ਤੋਂ ਪਿੱਛੇ ਰਹਿ ਗਈ।
ਐਲਪੀਯੂ ਦੀ ਅੰਤਰਰਾਸ਼ਟਰੀ ਪ੍ਰਸਿੱਧੀ ਵਾਲੀ ਮਹਿਲਾ ਮੁੱਕੇਬਾਜ਼ ਨੂੰ ਵਧਾਈ ਦਿੰਦਿਆਂ ਐਲਪੀਯੂ ਦੇ ਚਾਂਸਲਰ ਡਾ ਅਸ਼ੋਕ ਮਿੱਤਲ ਨੇ ਸਾਂਝਾ ਕੀਤਾ: “ਵਿਦਿਅਕ ਸੰਸਥਾਵਾਂ 'ਚ ਖੇਡਾਂ ਅਤੇ ਸਿਖਿਆ ਦੀਆਂ ਦੋਵੇਂ ਗਤੀਵਿਧੀਆਂ ਬਰਾਬਰ ਮਹੱਤਵਪੂਰਨ ਹਨ। ਅਸੀਂ ਹਮੇਸ਼ਾ ਐਲਪੀਯੂ ਦੇ ਵਿਦਿਆਰਥੀਆਂ ਨੂੰ ਆਲ-ਰਾਊਂਡਰ ਵਜੋਂ ਵਧਣ ਦੇਣ ਨੂੰ ਤਰਜੀਹ ਦਿੱਤੀ ਹੈ। ਨੀਰਜ ਚੋਪੜਾ ਅਤੇ ਹੋਰਾਂ ਦੁਆਰਾ ਓਲੰਪਿਕ ਜਿੱਤਣਾ, ਅਤੇ ਖੇਲੋ ਇੰਡੀਆ ਖੇਡਾਂ ਵਿੱਚ ਐਲਪੀਯੂ ਨੂੰ 51 ਤਗਮੇ ਇਸ ਸਭ ਬਾਰੇ ਬਹੁਤ ਕੁਝ ਦੱਸਦੇ ਹਨ। ਅਸੀਂ ਹੁਣ ਨੇੜਲੇ ਭਵਿੱਖ ਵਿੱਚ ਆਪਣੇ ਖਿਡਾਰੀਆਂ-ਮਹਿਲਾਵਾਂ ਦੁਆਰਾ ਇਸ ਪੂਲ ਵਿੱਚ ਹੋਰ ਮੈਡਲ ਜੋੜਨ ਦੀ ਉਮੀਦ ਕਰਦੇ ਹਾਂ। ” ਵਾਸਤਵ ਵਿੱਚ, 2022 ਮਹਿਲਾ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਤੋਂ ਐਲਪੀਯੂ -ਭਾਰਤੀ ਮੁੱਕੇਬਾਜ਼ਾਂ ਦੇ ਪੱਖ ਵਿੱਚ ਸ਼ਾਨਦਾਰ ਨਤੀਜੇ ਲਿਆਉਣ ਦੀ ਉਮੀਦ ਹੈ।