ਵੈਬਕਾਸਟਿੰਗ ਰਾਹੀਂ ਹਰੇਕ ਪੋਲਿੰਗ ਬੂਥ ਤੇ ਰਹੇਗੀ ਸਿੱਧੀ ਨਜ਼ਰ, ਸਾਰੇ ਪੋਲਿੰਗ ਬੂਥਾਂ ਤੋਂ ਹੋਵੇਗੀ ਵੈਬਕਾਸਟਿੰਗ

5 Dariya News

ਫਾਜ਼ਿਲਕਾ 31-May-2024

ਲੋਕ ਸਭਾ ਚੋਣਾਂ ਲਈ ਜਿਲਾ ਫਾਜ਼ਿਲਕਾ ਦੇ ਸਾਰੇ 829 ਪੋਲਿੰਗ ਬੂਥਾਂ ਤੋਂ ਵੈਬ ਕਾਸਟਿੰਗ ਹੋਵੇਗੀ ਜਿਸ ਦੀ ਨਿਗਰਾਨੀ ਲਈ ਜ਼ਿਲ੍ਹਾ ਪੱਧਰ ਤੇ ਇੱਕ ਵਿਸ਼ੇਸ਼ ਕੰਟਰੋਲ ਰੂਮ ਸਥਾਪਿਤ ਕੀਤਾ ਗਿਆ ਹੈ। ਇਸ ਦਾ ਜਾਇਜ਼ਾ ਲੈਂਦਿਆਂ ਡਿਪਟੀ ਕਮਿਸ਼ਨਰ ਡਾ ਸੇਨੂ ਦੁੱਗਲ ਨੇ ਦੱਸਿਆ ਕਿ ਇੱਥੇ ਵੱਖ ਵੱਖ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਹਨ ਜੋ ਹਰੇਕ ਬੂਥ ਦੀ ਹੋ ਰਹੀ ਵੈਬਕਾਸਟਿੰਗ ਤੇ ਸਿੱਧੀ ਨਜ਼ਰ ਰੱਖਣਗੀਆਂ ਅਤੇ ਜੇਕਰ ਕੋਈ ਉਣਤਾਈ ਦਿਖਾਈ ਦੇਵੇਗੀ ਤਾਂ ਤੁਰੰਤ ਉਥੇ ਕਾਨੂੰਨ ਅਨੁਸਾਰ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ। 

ਐਸਐਸਪੀ ਡਾ ਪ੍ਰਗਿਆ ਜੈਨ ਨੇ ਦੱਸਿਆ ਕਿ ਪੁਲਿਸ ਵਿਭਾਗ ਵੱਲੋਂ ਵੀ ਇਸ ਕੰਟਰੋਲ ਰੂਮ ਵਿੱਚ ਆਪਣਾ ਹੀ ਨੁਮਾਇੰਦਾ ਤਾਇਨਾਤ ਕੀਤਾ ਗਿਆ ਹੈ ਤਾਂ ਜੋ ਕਿਤੋਂ ਵੀ ਕੋਈ ਖਬਰ ਮਿਲਣ ਤੇ ਤੁਰੰਤ ਐਕਸ਼ਨ ਲਿਆ ਜਾ ਸਕੇ।