ਖੇਡਾਂ ਵਤਨ ਪੰਜਾਬ ਦੀਆਂ-2022 : ਜ਼ਿਲ੍ਹਾ ਪੱਧਰੀ ਟੂਰਨਾਮੈਂਟ ਦੇ ਚੌਥੇ ਦਿਨ ਹੋਏ ਫੁੱਟਬਾਲ, ਕਬੱਡੀ, ਬੈਡਮਿੰਟਨ ਅਤੇ ਬਾਸਕਟਬਾਲ ਮੁਕਾਬਲੇ : ਗੁਰਦੀਪ ਕੌਰ
5 Dariya News
ਐਸ.ਏ.ਐਸ.ਨਗਰ 15-Sep-2022
ਖੇਡਾਂ ਵਤਨ ਪੰਜਾਬ ਦੀਆਂ 2022 ਦੇ ਜ਼ਿਲ੍ਹਾ ਪੱਧਰੀ ਖੇਡਾਂ ਮੁਕਾਬਲੇ ਬਹੁਮੰਤਵੀ ਖੇਡ ਭਵਨ ਸੈਕਟਰ 78 ਐਸ.ਏ.ਐਸ ਨਗਰ ਵਿਖੇ ਚੌਥੇ ਦਿਨ ਖੇਡਾਂ ਅੰਡਰ-14, ਅੰਡਰ-17 ਅਤੇ ਅੰਡਰ-21 ਦੇ ਵੱਖ ਵੱਖ ਖੇਡਾਂ ਦੇ ਮੁਕਾਬਲੇ ਕਰਵਾਏ ਗਏ। ਇਸ ਮੌਕੇ ਜ਼ਿਲ੍ਹਾ ਖੇਡ ਅਫਸਰ ਗੁਰਦੀਪ ਕੌਰ ਨੇ ਚੌਥੇ ਦਿਨ ਦੀਆਂ ਖੇਡਾਂ ਦੇ ਰਿਜਲਟ ਸਾਂਝੇ ਕਰਦਿਆਂ ਦੱਸਿਆ ਕਿ ਫੁੱਟਬਾਲ-ਅੰਡਰ 14 (ਲੜਕੇ) ਕੋਚਿੰਗ ਸੈਂਟਰ ਕੁਰਾਲੀ ਨੇ ਕੋਚਿੰਗ ਸੈਂਟਰ 78 ਮੋਹਾਲੀ ਨੂੰ 03-02 ਨਾਲ ਹਰਾਇਆ।
ਅੰਡਰ 17 (ਲੜਕੀਆਂ) ਕੋਚਿੰਗ ਸੈਂਟਰ ਕੁਰਾਲੀ ਨੇ ਸ਼ੈਮਰਾਕ ਸਕੂਲ ਮੋਹਾਲੀ ਨੂੰ 02-00 ਨਾਲ ਹਰਾਇਆ। ਉਨ੍ਹਾਂ ਕਬੱਡੀ ਖੇਡ ਮੁਕਾਬਲਿਆਂ ਬਾਰੇ ਦੱਸਿਆ ਕਿ ਅੰਡਰ-17 (ਲੜਕੇ) ਬੀ.ਐਚ.ਐਸ. ਆਰੀਆ ਸੋਹਾਣਾ ਨੇ ਪਹਿਲਾ, ਸ.ਹ.ਸ ਹਸਨਪੁਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਅੰਡਰ-21 (ਲੜਕੇ) ਹੁਸ਼ਿਆਰਪੁਰ ਕਲੱਬ ਨੇ ਪਹਿਲਾ ,ਸ.ਸ.ਸ.ਸ. ਲਾਲੜੂ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ।
ਉਨ੍ਹਾਂ ਬੈਡਮਿੰਟਨ ਦੇ ਰਿਜਲਟ ਸਾਂਝੇ ਕਰਦੇ ਹੋਏ ਦੱਸਿਆ ਕਿ ਅੰਡਰ- 17 ਲੜਕੀਆਂ (ਸਿੰਗਲਜ) ਸਾਰਾ ਸੂਦ ਨੇ ਪਹਿਲਾ, ਅਸ਼ਨੂਰ ਕੌਰ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਅੰਡਰ- 14 ਲੜਕੀਆਂ (ਡਬਲਜ) ਅਜੂਨੀ ਤੇ ਕਵਨਪ੍ਰੀਤ ਨੇ ਪਹਿਲਾ ਅਤੇ ਪ੍ਰਾਂਜਲ ਕਟਾਰੀਆ ਅਤੇ ਸਨੇਹਾ ਮਲਿਕ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ। ਉਨ੍ਹਾਂ ਬਾਸਕਟਬਾਲ ਖੇਡ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਅੰਡਰ 17 ਲੜਕੀਆਂ ਪੀ.ਆਈ.ਐਸ.ਮੋਹਾਲੀ ਨੇ ਪਹਿਲਾ ਲਰਨਿੰਗ ਪਾਥ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ।